Madam Inutz, nag-react sa mga nagsasabing kamukha siya ng mommy ni Fyang Smith

- Nagbigay pahayag na si Madam Inutz patungkol sa mga nagsasabing kamukha niya ang mommy ni Fyang

- Hindi niya maitanggi na malaki umano ang pagkakahawig nila lalo na nang tingnan niya ang mga larawan niya noon

- Tulad ni Fyang, si Madam Inutz ay naging bahagi rin ng Pinoy Big Brother

- Masaya ring binati ni Madam Inutz si Fyang sa tagumpay nito bilang PBB Gen 11 big winner

Nagbigay na ng kanyang pahayag si Madam Inutz patungkol sa dumadalas na komento na kamukha raw niya si Myrna Smith, ang ina ng PBB Gen 11 big winner na si Sofia "Fyang" Smith.

Sa pamamagitan ng isang video, makulit na nag-react si Madam Inutz na amiandong kamukha nga niya ang ina ni Fyang.

"Ang dami ngang nagsasabi tapos nung tiningnan ko nga yung picture ko before, at saka yung mama ni Fyangie, magkamukhang-magkamukha talaga kami. Sobra! Pero anyway, ito lang ang masasabi ko. Syempre, parehas kaming maganda! oh jieevah?"

Read also

Ogie Diaz kay PBB big winner na si Fyang sa showbiz: "I think she can make it"

Dagdag pa pa niya, isa sa pinagkapareho nila ni Mommy Myrna ay ang pagpili umano ng kanilang mga "jowa"

"Parehas kaming mabuting ina, at higit sa lahat, parehas kaming may masarap at gwapong jowa!" ang kumumpleto sa makulit na pahayag ni Madam Inutz.

Ang Pinoy Big Brother ay isa sa popular na reality show ng ABS-CBN na nagsimula noong 2005. Sa unang season nito, 13 na mga housemates ang nanatili sa bahay ni kuya subalit apat lamang ang natira upang masungkit ang pagiging isang big winner. Si Nene Tamayo ang kauna-unahang big winner ng PBB.

Samantala, sa katataos lamang na Pinoy Big Brother, si Fyang Smith ang tinanghal na big winner. Second big placer naman si Rain Celmar na sinundan ni Kolette Madelo. 4th big placer naman si Kai Montinola.

Read also

Julia Montes, binahagi ang kanyang pagbati sa kaarawan ni Coco Martin

Tulad ni Fyang, naging bahagi rin ng Pinoy Big Brother si Madam Inutz subalit hindi pinalad na maging big winner. Gayunpaman, umabot siya sa top 5 kung saan sabay-sabay umano silang na-evict nina Brenda Mage at Samantha Bernardo habang tinanghal namang celebrity top 2 sina Anji Salvacion at Alyssa Valdez. Matatandaang sinundan agad ito ng Adult edition dalawang taon na ang nakararaan.

Source: KAMI.com.gh