Dimps Schimmer, nagbahagi ng kanyang birthday message para kay Jho Rovero

- Ibinahagi ni Dimps Schimmer ang kanyang birthday message para sa namayapang asawa ni Andrew Schimmer na si Jho Rovero sa social media

- Sinabi ni Dimps na mas nauna nilang ipinagdiwang ang kaarawan ni Jho bago ang kanyang sariling kaarawan

- Nilinaw niya na hindi nila nakakalimutan si Jho at lagi nilang binibigyan ng galang

- Ipinangako ni Dimps na aalagaan niya ang mga anak nina Andrew at Jho

Sa kabila ng magkasunod na pagdiriwang ng kaarawan ng namayapang asawa ni Andrew Schimmer na si Jho Rovero at ng kasalukuyang niyang asawa na si Dimps Schimmer, hindi kinaligtaan ni Dimps na batiin si Jho sa kanyang kaarawan.

Sa isang post sa social media, ibinahagi ni Dimps na binati niya si Jho ng "Happy birthday sa mom ng dalawa kong anak Andrea and Xander." Nilinaw din niya na sa kabila ng kanyang sariling kaarawan, mas nauna nilang naalala at ipinagdiwang ang kaarawan ni Jho.

Read also

Claudine Barretto, nagsalita matapos mag-viral ang pictures ng anak na si Santino

Ayon kay Dimps, siya mismo ang nagmungkahi na dalawin nila si Jho sa Bulacan dahil out of town ang kanyang kaarawan. Sinabi rin niya na kahit ano pa ang sabihin ng ibang tao, hindi kailanman nila nakakalimutan si Jho at lagi nila itong binibigyan ng galang.

Dagdag pa ni Dimps, nagpapasalamat siya sa pakikipagusap ni Jho sa kanya sa panaginip at ipinangako na hindi niya pababayaan ang mga bata.

Dagdag pa ni Dimps sa kanyang mensahe, ang kaarawan ni Jho ay hindi makakalimutan ng mag-aama lalo na at magkasunod sila.

Ibinahagi rin niya na ang kanyang ina ay isang malaking tagahanga ni Jho at siya pa ang nagbigay sa kanya ng link para panoorin sila sa Facebook. Sinabi rin ni Dimps na minsan ang kapalaran ay hindi inaasahan at nakakabigla, ngunit may plano ang Diyos sa lahat ng nangyayari.

Read also

BINI Aiah, nagpaliwanag naunang pahayag ukol kaugnay sa pakikisalamuha sa fans

Si Andrew Schimmer ay isang aktor at modelo sa bansa na muling napag-usapan sa social media nang buong tapang itong humingi ng saklolo para sa pagpapagamot sa misis na nagkaroon ng asthma attack na kalauna'y sinundan ng brain hypoxia noong Nobyembre 2021. Inabot ng isang taon ang pakikipaglaban ni Jho sa karamdaman niyang ito subalit namaalam na rin bago matapos ang taong 2022.

Ibinahagi ni Andrew Schimmer ang picture niya kasama ang kanyang mga anak kasama ang girlfriend niya at mga anak din nito. Bakas sa kanilang mga mukha ang kasiyahan na magkakasama sila ngayong Pasko.

Inalmahan ni Andrew Schimmer ang post ng isang netizen na tinanong pa ni Andrew kung manghuhula ba talaga o script writer. Sa binahaging screenshot ng girlfriend ni Andrew ay sinasabi nito na pinagselosan na daw ng namayapang asawa ni Andrew ang kasalukuyang girlfriend nito.

Source: KAMI.com.gh