Rosmar Tan, nakaharap na sa wakas ang tunay na Jiro Manio

- Nagkita nang personal sina Jiro Manio at ang online personality na si Rosmar Tan sa pamamagitan ng YouTube show ni Julius Babao

- Dito ay nagkalinawan ang dalawa kaugnay sa napabalitang pag-apply umano ni Jiro ng trabaho kay Rosmar na kinalaunang napag-alamang hindi pala si Jiro

- Nag-abot si Rosmar ng 10,000 piso at magbibigay pa raw siya ng produkto niya na nagkakahalaga ng P50,000

- Nagpasalamat naman si Jiro sa tulong na ito ni Rosmar kahit hindi daw niya ito inasahan sa kanyang pagpunta doon

Sa wakas ay nagkita nang personal sina Jiro Manio at ang online personality na si Rosmar Tan sa pamamagitan ng YouTube show ni Julius Babao. Sa kanilang pagkikita, nagkaroon ng pagkakataon ang dalawa na magkalinawan tungkol sa isyu ng diumano’y pag-apply ni Jiro ng trabaho kay Rosmar, na napag-alamang hindi pala si Jiro ang nag-apply.

Read also

BINI Colet, viral nang ikuwento ang tungkol sa 'poster' ni Nadine na nais bilhin noon

Sa kanilang pagkikita, nag-abot si Rosmar ng P10,000 kay Jiro bilang tulong. Dagdag pa rito, nangako si Rosmar na magbibigay siya ng kanyang mga produkto na nagkakahalaga ng P50,000. Lubos naman ang pasasalamat ni Jiro sa tulong na ito ni Rosmar, kahit hindi niya ito inaasahan sa kanyang pagpunta doon.

Ang pagkikitang ito ay nagsilbing magandang pagkakataon upang malinawan ang mga isyu.

Si Rosmar Tan o Rosemarie Tan ay nakilala sa social media dahil sa kanyang pamamahagi ng tulong sa mga netizens lalo na ngayong panahon ng pandemya. Unti-unting lumaki ang bilang ng mga taong naka-follow sa kanyang social media accounts.

Kamakailan ay nilinaw ni Rosmar ang isyu tungkol sa umano'y hindi nila pagbayad sa kinain nila sa Coron. Ipinahayag niya na ang pagkain nila ay bahagi ng XDEAL kung saan kapalit ng libreng pagkain ay pagpopromote nila sa social media. Maraming restaurant daw ang nag-aagawan na ilibre sila ng pagkain dahil sa kanilang kasikatan at malaking following. Hinikayat ni Rosmar ang publiko na huwag maniwala sa fake news na ipinapakalat ng bashers.

Sinadya nina Rosmar at Team Malakas ang tinitirahan ng isang ina na may 15 na mga anak. Makikita sa video na halos hindi na sila magkasya sa tahanan ng mga ito sa Tondo. Bukod sa tulong pinansyal, isang surpresa rin ang binigay ni Rosmar sa ina lalo na sa mga anak nito. Matatandaang sa kabila umano ng kontrobersiyang kinaharap, tila patuloy pa rin umano sa pagtulong ang grupo ni Rosmar.

Source: KAMI.com.gh