Ivana Alawi, sinurpresa ng Japan trip ang kapatid na si Hash para sa birthday nito

- Sinurpresa ni Ivana Alawi ang kanyang kapatid na si Hash bilang birthday gift niya rito

- Inakala lang ni Hash na sa Cebu sila pupunta para sa isa umanong show ni Ivana

- Nang mapansin niyang sa international flights sila papunta, sinabi na lang ni Ivana na sa Thailand talaga sila pupunta

- Subalit nang sabihin ni Ivana na sa Japan talaga ang punta nila, kitang-kita ang saya kay Hash na paborito pala itong lugar

Japan trip ang handog ni Ivana Alawi sa kapatid niyang si Hash na nagdiwang ng kaarawan nito noong January 2.

Nalaman ng KAMI na na-prank muna ni Ivana si Hash sa pag-aakalang sa Cebu sila pupunta para sa isa umanong show ni Ivana.

Subalit nagsimula na itong magtaka nang nasa airport na sila. Doon, sinabi naman ni Ivana na sa Thailand sila pupunta at bahagyang na-excite naman si Hash.

Read also

Indian passenger ng eroplanong nag-crash sa Nepal, na-FB Live ang mga huling sandali

Nang ipakita na ni Ivana ang kanilang ticket, doon lang nalaman ni Hash na sa Japan sila pupunta.

Kitang-kita ang saya ni Hash na ayon kay Ivana, paboritong lugar pala talaga ito ng mamakaisang lalake niyang kapatid.

Kasama rin nila ang bunsong kapatid nilang si Mona. Kwento ni Ivana, hindi nakasama ang kanyang Mama Alawi at Ate Amira dahil sa kanilang mga trabaho.

Subalit siniguro naman niyang sa susunod na pagpunta nila roon ay kumpleto na sila.

Narito ang kabuuan ng video mula sa kanyang YouTube channel na Ivana Alawi:

Si Ivana Alawi ay unang nakilala nang sumali siya sa reality show na "StarStruck" sa GMA-7. Dahil sa kanyang taglay na ganda, sumikat siya sa social media pati na rin sa mundo ng vlogging. Sa kasalukuyan, umabot na sa mahigit 15.9 million ang kanyang mga YouTube subscribers.

Read also

Francine Diaz, kinaaliwan sa pakipagtawaran niya sa Bangkok, Thailand

Marami ang naaaliw sa vlog ni Ivana sa kanyang channel dahil sa kulitan nila ng kanyang pamilya. Makikita rin kasi dito ang kabutihan ng puso ni Ivana na hindi lang siya sa kanyang pamilya matulungin kundi lalo na sa mga kababayan nating labis na nangangailangan.

Naging kontrobersyal kamakailan si Ivana dahil sa umano'y hindi gaano nitong pag-promote sa kanilang naging pelikula ni Vice Ganda, ang 'Partners in crime' na naging entry nila sa Metro Manila Film Festival noong Disyembre 2022. Napansin umano ito lalong-lalo na ng mga fans ni Vice Ganda.

Source: KAMI.com.gh