Xian Gaza, naglabas ng bagong pahayag: "Hindi mo iisiping bayaran eh"

- Nag-post muli si Xian Gaza tungkol sa abogadong aniya'y itsura pa lang ay "very credible na"

- Wala itong binanggit na pangalan ngunit aniya ay hindi iisiping bayaran ang itsura ng tinutukoy niyang tao

- Sa kanyang post ay nabanggit niya rin na gagamitan lamang ng kanyang trenta porsyentong lakas kahit magsama-sama pa umano ang mga ito na aniya'y mahihinang nilalang

- Matatandaang hiniling ng kampo ni Wilbert Tolentino sa pamamagitan ng kanyang abogado na mag-public apology si Xian

Sa post ni Xian Gaza ay nagbanggit ito ng tungkol sa abogadong aniya'y itsura pa lang ay "very credible na." Hindi ito nagbanggit ng pangalan kagaya sa nauna niyang post.

Dagdag pa niyan babayaran niya ng 5K ang taong tinutukoy niya para sa performance umano nito.

Kung ako magbabayad diyan eh pwede na siguro sa 5K yung performance. Gawin ko ng 6K kasama pang-gas.

Read also

Wilbert Tolentino, emosyonal na naglabas ng saloobin sa panibagong live video

Sa comment section ng kanyang post ay nabanggit niya rin na gagamitan lamang ng kanyang trenta porsyentong lakas kahit magsama-sama pa umano ang mga ito na aniya'y mahihinang nilalang.

Kahit magsama-sama pa kayo mga mahihinang nilalang! Gagamitan ko lang kayo ng trenta porsyento ng aking lakas.

Si Xian Gaza o Christian Albert Gaza ay unang nakilala sa social media matapos ang kanyang kontrobersiyal na billboard proposal sa aktres na si Erich Gonzales para mag-coffee. Nakilala din siya sa bansag na "pambansang scammer" matapos siyang akusahan ng pang-iiscam. Sa katunayan ay nakulong pa ito ngunit nakapagpiyansa at kasalukuyang nasa ibang bansa at mayroon nang sariling negosyo.

Kamakailan ay nabanggit ni Xian si Dennis Padilla sa kanyang Facebook post na agad na nag-viral. Isang prangkang mensahe ang nilabas nito para kay Dennis tungkol sa Father's Day greetings. Ayon kay Xian, hindi dapat hinihingi sa mga anak ang ganoong pagbati. Aniya, hindi dapat umasa ng pagbati mula sa mga anak lalo na “kung wala kang kwentang tatay."

Read also

Xian Gaza, hinihingian ng public apology ng kampo ni Wilbert Tolentino

Kasunod ng pag-viral ni Ella Cruz kaugnay sa kanyang pahayag tungkol sa "history," nag-post si Xian ng screenshot ng art card na naglalaman ng naging pahayag ni Ella. Kalakip din sa kanyang post ang kanyang picture na nagpapakita ng gulat na reaksiyon niya. Agad na umani ng reaksiyon at komento ang post na ito ni Xian.

Source: KAMI.com.gh