Team Kramer, pinakita ang transformation sa kanilang outdoor area

- Pinakita nina Doug Kramer at Chesca Garcia ang mga naging pagbabago sa kanilang lanai, garden area at sa dating palaruan ng kanilang mga anak sa kanilang bakuran

- Dahil mas malalaki na sila ay tinanggal na ang dating playground ng mga bata at pinalitan na ito ng pergola

- Bukod dito ay binago na rin ang kanilang garden na bukod sa mga bagong halaman ay may mga nilagay silang karagdagang mesa at mga ilaw

- Pinaayos din nila ang kanilang lanai para mas maging matibay ito kahit pa may dumaang bagyo

Binahagi ng Team Kramer ang kanilang outdoor improvement sa kanilang bahay. Nagkaroon sila ng pergola at binago na rin ang kanilang garden na bukod sa mga bagong halaman ay may mga nilagay silang karagdagang mesa at mga ilaw.

Read also

Aubrey Miles, nalungkot nang matanggal ang Rocket’s Autism Awareness page nila

Dahil mas malalaki na sila ay tinanggal na ang dating playground ng mga bata at pinalitan na ito ng pergola kung saan mas na-eenjoy umano nilang mamalagi lalo na kapag gabi. Mayroon din silang dinagdag na Koi pond sa tabi ng pinagawang pergola.

Nabanggit din nila na ito na muna ang kanilang huling renovation sa kanilang bahay.

Si Doug Kramer ay sumikat bilang dating professional basketball player na naglaro sa walong koponan sa Philippine Basketball Association. Ikinasal sina Chesca at Doug Kramer noong October 9, 2008. Nabiyayaan sila ng tatlong anak na sina Clair Kendra Kramer, Scarlett Louvelle Kramer, at Gavin Phoenix Kramer. Iniwan ni Chesca ang pag-aartista upang maging full-time mommy sa kanyang mga anak.

Sa kanilang YouTube video, pinakita ng mag-asawang Doug at Chesca ang kanilang bagong condo sa kanilang mga anak. Hiwa-hiwalay na ang kanilang silid at ang disenyo ay binase umano sa gusto nila. Sa kanilang bahay, magkasama sa iisang silid sina Kendra at Scarlet samantalang may sariling silid naman si Gavin. Nagbahagi ng kanilang pasasalamat ang mga bata sa kanilang mga magulang dahil gustong-gusto umano nila ang kanilang mga silid.

Kamakailan ay binahagi ni Doug ang ilang pictures na kuha sa unang araw ng pagpasok ng panganay na si Kendra Kramer sa regular school. Ito ay matapos ang apat na taon na sa bahay lang sila nag-aaral kasama ang kanyang dalawa pang kapatid na sina Scarlet at Gavin. Papasok si Kendra bilang isang Grade 8 na mag-aaral at ayon kay Doug, sinigurado nilang handa ito sa lahat ng aspeto bago nila mapagpasyahang pwede na siyang pumasok sa regular school. Aniya, si Kendra ay naging magandang halimbawa sa kanyang mga nakababatang kapatid.

Source: KAMI.com.gh