Pokwang sa anak na si Malia: "Kaya natin ito 'nak laban lang"

- Binahagi ni Pokwang ang video ng anak niyang si Malia O'Brian habang nakasakay sa swing

- Isang mensahe ang binahagi ni Pokwang para sa anak tungkol sa pagiging positibo nitong kakayanin nila basta sila ay magkakasama

- Nabanggit din ni Pokwang ang isa pa niyang anak na si Mae Subong na nagbahagi din ng kanyang mensahe ng suporta at pagmamahal sa kanyang ina at kapatid

- Matatandaang nauna nang inamin ni Pokwang ang tungkol sa paghihiwalay nila ng partner na si Lee O'Brian

Sa post ni Pokwang, binahagi niya ang video ng anak niyang si Malia O'Brian. Isang mensahe ang binahagi ni Pokwang para sa anak tungkol sa pagiging positibo nitong kakayanin nila basta sila ay magkakasama.

Aaaawww i love you too @malia_obrian kaya natin ito nak laban lang 2023 is another blessings for us yahhooo just you, me and ate @maesubong kaya natin ito!! mama is always here for you and ate i love you both

Read also

Carlo Aquino at Charlie Dizon, muling namataang magkasama

Nagkomento naman ang anak niyang si Mae sa naturang post ng ina at sinabi niyang mahal niya ang kapatid at ang ina.

Si Pokwang o Marietta Subong o sa totoong buhay ay kilala bilang isang komedyante, TV host at performer. Naging bahagi siya ng ilang palabas kagaya ng Wowowee, Pilipinas Win na Win at Happy Yipee Yehey kung saan siya ay isa sa mga naging host. Ipinanganak niya si Francine Malia O'Brian sa Antipolo City noong January 18, 2018. Siya ang naging bunga ng pagmamahalan nila ng Amerikanong si Lee O'Brian.

Matatandaang kinumpirma ng malapit na kaibigan ni Pokwang na si Ogie Diaz ang tungkol sa paghihiwalay nila ni Lee. Matagal na niya umanong alam ang tungkol dito ngunit bilang respeto kay Pokwang ay hindi niya ito nababanggit sa kanyang Showbiz Update. Gayunpaman, dahil lumabas na rin ang balita ay minabuti niyang linawin ang balita para hindi na rin umano magsanga-sanga ang isyu. November pa noong nakaraang taon umano nagkahiwalay ang dalawa at kasalukuyang nakatira sa bukod na bahay si Lee.

Read also

Liza Soberano at Paolo Contis, ilan sa mga artistang bumati sa kaarawan ni Ogie D

Nag-post si Lee ng picture ng kanyang anak na si Malia O'Brian sa gitna ng paglabas ng balita tungkol sa paghihiwalay nila ni Pokwang. Tinawag niyang angel ang kanyang anak na si Malia na kanyang pinasalamatan sa umano'y pagpapangiti nito sa kanya. Sa kabila ng kanilang paghihiwalay ay tuloy na nagbabahagi si Lee ng mga pictures nilang mag-ama na tumutugma sa pahayag ni Pokwang na nakakapunta si Lee sa kanila upang makasama ang anak. Nauna na ring nilinaw ni Pokwang na walang third party na sangkot sa kanilang desisyon na maghiwalay.

Source: KAMI.com.gh