Baron Geisler, binahagi ang kauna-unahang investment niya

- Naibahagi ni Baron Geisler na sa tagal niya na sa showbiz ay nagkaroon na siya ng kanyang kauna-unahang investment

- Ito ay ang kanyang bahay na nasa Cebu na ayon sa kanya ay 85% done na

- Inilaan daw niya talaga sa pagpapagawa ng bahay ang perang natanggap niya mula sa kanyang trabaho

- Ito daw ay ang kanyang maipapamana sa kanyang anak na si Talitha Cumi

Naibahagi ni Baron Geisler sa panayam sa kanya ng PopLife.ph ang tungkol sa aniya ay kauna-unahang investment niya sa tinagal-tagal niya sa showbiz. Ito ay ang bahay nila sa Cebu na aniya ay 85% done na.

“I’m just so blessed and grateful na ito ’yong first sa pagkahaba-haba at pagkatanda-tanda ko sa showbiz, heto ’yong first investment ko po,

Read also

Cristy, sa madalas na papuri kay Alden: "Hindi po kami bayaran ni Alden Richards"

Aniya, inilaan niya talaga para sa bahay nang matanggap niya ang pera. Pwede niya daw itong maipamana sa anak kung sakaling wala na silang mag-asawa.

Napabalik-tanaw din siya sa paraan ng paggastos niya noon ng pera. Aniya noon daw ay kayang-kaya niyang ibili ng droga ang 1 milyon. Ganun daw niya tinatapon ang pera niya noong hindi pa niya alam kung paano maghawak nang tama sa kanyang mga kinikita.

Si Baron Geisler ay isang kilalang aktor sa industriya ng showbiz sa Pilipinas. Ipinanganak noong Hunyo 5, 1982, siya ay nagmula sa Cebu City, Philippines. Si Baron ay sumikat bilang isang versatile na aktor at naging bahagi ng maraming teleserye at pelikula sa Pilipinas.

Kamakailan ay nagbigay ng pahayag si Ogie Diaz kaugnay sa naging una nilang naibalita ukol kay Baron. Maugong umano sa set ng seryeng kinabibilangan nito na tila muling bumabalik umano ang aktor sa pag-iinom. Sinupla ito ni Baron sa pamamagitan ng pagpapakita ng ebidensyang patungo umano siya sa taping ng serye. Gayunpaman, nasabi ni Ogie na challenge umano kay Baron ang isyung ito at sana'y patunayan pa lalo ng aktor na walang katotohanan na matatanggal umano ito sa serye.

Read also

Cristy sa umano'y nasaksihan ng source: "Si Daniel, nagkamot ng ulo at nagdabog"

Naibahagi ni Cristy Fermin sa Showbiz Now Na! ang umano'y nagawa noon ni Baron Geisler kasama Jobert Sucaldito. Si Jobert Sucaldito ay isa Showbiz news anchor at entertainment columnist na malapit din sa mga kilalang artista. Naikwento ito ni Cristy kaugnay sa alegasyong tila bumabalik na naman sa pag-iinom si Baron. Ang masaklap umano, sa mismong serye ng Senior High ito napapansing amoy alak.

Source: KAMI.com.gh