Tagalog

Flight attendant na nagka-COVID, sinentensyahan nang sumuway sa quarantine rules

Wednesday, March 31, 2021 at 12:19 AM by Annie Symone

- Sinentensyahan ng two-year suspended jail term ang isang 29-anyos na flight attendant sa Vietnam matapos sumuway sa quarantine protocols

- Napag-alamang nagpositibo ito sa COVID-19 at nakapanghawa ng tatlong katao

- Nagresulta ito sa quarantine at testing ng nasa 2,000 katao na nagkakahalaga ng tinatayang nasa 4.48 billion dong o $194,192

- Ang Vietnam ay isa sa mga bansang hinahangaan dahil sa kanilang paglaban sa virus, sa kasalukuyan ay mayroon lang silang 2,600 COVID-19 infections at 35 na nasawi

PAY ATTENTION: Click "See First" under the "Following" tab to see KAMI news on your News Feed

Sinentensyahan ng two-year suspended jail term ang isang 29-anyos na flight attendant sa Vietnam nito lamang March 30, matapos sumuway sa quarantine protocols at makapanghawa.

Napag-alamang nagpositibo ito sa COVID-19 noong Nobyembre at nakapanghawa ng tatlong katao, batay sa report ng ABS-CBN News.

Kinilala itong si Duong Tan Hau na pinarusahan dahil sa "spreading dangerous infectious diseases".

Read also

Pinoy priest, isa sa mga nagde-develop ng tableta kontra COVID-19

Flight attendant na nagka-COVID, sinentensyahan nang sumuway sa quarantine rules — Photo: Screen grab from Vietnam Plus
Source: UGC

"Hau's violation was serious, put society in danger, and endangered the safety of the community," ayon sa inilabas na statement ng Ministry of Public Security.

Napag-alamang sinuway ni Hau ang 14-day quarantine regulations at nakipagkita sa 46 iba pa matapos ang kanyang flight noong Nobyembre sa bansang Japan, ayon naman sa report ng Rappler.

PAY ATTENTION: Shop with KAMI! The best offers and discounts on the market, product reviews and feedback

Dapat sana ay naka-self isolate ito ngunit lumabas na pumunta pa ito sa mga cafes, restaurants at umattend pa ng English classes.

Nagresulta rin ito sa quarantine at testing sa 2,000 katao na nagkakahalaga ng tinatayang nasa 4.48 billion dong o $194,192, base sa report ng Vietnam Plus.

Ang Vietnam ay isa sa mga bansang hinahangaan dahil sa kanilang paglaban sa virus at sa kasalukuyan ay mayroon lang silang 2,600 COVID-19 infections at 35 na nasawi.