Wedding organizer na nagtago sa loob ng gown ng bride, kinagiliwan ng netizens

Monday, June 14, 2021 at 4:25 PM by Marisse Gulferica

- Nag-viral ang video ng isang kasalan kung saan nakunan ng video na nakatago ang wedding organizer sa loob ng gown ng bride

- Sa umpisa aakalaing normal na wedding lamang nang biglang lumabas mula sa gown ang organizer

- Nagulat ang mga nakapanood ng video sa pangyayari na labis naman nilang kinagiliwan

- Umabot na sa 1.6 million ang views ng viral video na ibinahagi mismo ng wedding organizer

Aliw na aliw ang mga netizens sa video na ibinahagi ng wedding organizer na si Roel Lunesa.

Marami kasing netizens ang nagulat sa tila 'plot twist' sa bridal march sa umpisa pa lamang ng kasalan.

Aakalaing ordinaryong outdoor wedding lamang ang nagaganap at kahanga-hanga pang nakisama ang panahon na siyang ikinaganda ng kasalan.

Subalit bago pa tuluyang makarating ng altar ang bride, biglang may lumabas na lalaki mula sa kanyang gown.

Read also

Babaeng online gamer, ibinenta ang motor ng ama para sana makipagkita sa kanyang 'crush'

Napag-alaman na ang lalaki pala na ito ay ang wedding organizer na si Roel.

Paliwanag niya. kinailangan niyang hawakan ang gown dahil sa mahangin at nahihirapang maglakad ang bride.

Nalilipad ang gown kaya naman naisip ng organizer na pumasok pansamantala sa loob ng gown upang mituloy ang pinakaaabangang bridal march.

Labis na kinagiliwan ito ng netizens na humanga rin sa diskarte ng organizer.

Narito ang kanilang mga komento:

"Ito talaga yung video na 'wait til the end e' hahahaha. Aliw!"

"In fairness sa diskarte ng organizer ah, at least natuloy ang pagmarch ng bride"

"Kaya pala parang kabado si bride, may tao sa loob pero keri naman nila at nakarating ng maayos sa altar ang bride"

"Haha, buti pumayag si bride pero ang galing ng naisip ng organizer ah"

"Sobrang nagulat ako sa 'plot twist' hahahahaha. O di ba? ganyan ang Pinoy maabilidad!"