Tagalog

Ilang rider sa Bulacan, biktima ng umano'y sinulid sa daan na muntik makadisgrasya sa kanila

Friday, June 04, 2021 at 7:53 PM by Marisse Gulferica

- Viral ngayon ang post ng ilang riders ukol sa umano'y sinulid na nakaharang sa daan

- Labis na delikado ang pagkakalagay ng sinulid na maaring makapagdulot ng aksidente sa mga motorcycle riders na tulad nila

- Ang isa sa mga rider, ipinakita ang sugat sa leeg na dulot umano ng nakaharang na sinulid

- Humihiling sila ng CCTV footage sa lugar upang malaman kung sino ang naglagay ng sinulid na maaring makapagdulot ng disgrasya sa mga motorista

Ilang motorcycle riders ang nag-post sa umano'y sinulid na nakaharang sa ilang kalsada sa Bulacan.

Sa unang post na ibinahagi ni Jack Daniel Frias, nabiktima siya ng tali na hindi basta mapapansin ng motoristang tulad niya.

"Di nakakatuwa na biro, ang hapdi sa leeg. Buti di ako naaksidente at naputol agad"

Hinihiling niya ang CCTV footage sa lugar lalo na at naganap lamang ito noong Hunyo 2 bandang 10:15-10:20 ng gabi.

Read also

Pulis na namaril sa isang lola sa QC, naipong galit ang idinahilan sa nagawa niya

"I am requesting for a cctv review in this area sa new site malapit sa unang bahay papunta sa BASC."

Nilinaw niyang lubid ang ginamit na itinali mula sa isang bakod patungo sa isa pang bakod sa kabila ng kalsada.

Sa post naman ng isa pang motorista na si Alexander Nosmas, ipinakita pa niya ang sugat niya sa leeg na dulot ng sinulid na nakaharang din sa daan.

Muntik na raw talaga siyang maaksidente dahil sa sinulid na hindi naman dapat naroon.

Nabanggit din ni Alexander na sa ibang kalye, pulang sinulid naman ang nakatali kaya nagbigay paalala na rin siya sa ibang motorista.