Tagalog

Mga OFW, nakalikom ng malaking halaga ng pera na ipadadala nila kay Reymark Mariano

Sunday, May 30, 2021 at 8:59 PM by Marisse Gulferica

- Maging ang mga overseas Filipino workers sa ibang bansa ay magpapadala ng tulong sa batang si Reymark Mariano

- Ito ay matapos nilang mapanood ang buhay nito sa Kapuso Mo, Jessica Soho

- Labis din umano silang naantig sa kwento ng batang sa edad na 10 ay nag-aararo at nagsasaka na

- Bukod sa mga OFW, marami na ring natanggap na tulong ang batang si Reymark na walang pagsidlan ang kaligayahan

PAY ATTENTION: Click "See First" under the "Following" tab to see KAMI news on your News Feed!

Tila saanmang sulok ng mundo ay nakapanood ng kwento ng buhay ng batang si Reymark Mariano na naipalabas sa programang Kapuso Mo, Jessica Soho.

Nalaman ng KAMI na dahil dito, maging ang mga kababayan nating overseas Filipino workers ay magpapaabot ng tulong para kay Reymark.

Matatandaang siya ang batang nagpaluha sa bawat isa sa atin nang kanyang ibahagi ang buhay niya na sa edad 10 ay nag-aararo na at nagsasaka para makatulong sa pamilya.

Read also

Batang lalaki, napatalon sa tuwa sa tila maagang pamasko na bigay ng isang rider

Mga OFW, nakalikom ng malaking halaga ng pera na ipadadala nila kay Reymark Mariano — Photo: Reymark Mariano (Kapuso Mo, Jessica Soho)
Source: Facebook

Sa post ni Stewart Portaves, ibinahagi niya ang kabuuang halagang nalikom nila para maipadala sa bata.

Sa huling update nito noong Mayo 27 ay umabot na sa CAD$ 4, 535.94 o Php180,984 ang nalikom nilang pera para sa masipag na batang si Reymark.

Bago pa man ito, marami nang biyayang natanggap si Reymark mula sa mga nakapanood ng kanyang kwento.

Mula sa mga grocery items, sako-sakong bigas at tulong pinansyal, natanggap lahat ito ng masipag na bata.

PAY ATTENTION: Shop with KAMI! The best offers and discounts on the market, product reviews and feedback.

Mayroon ding grupo na nagsadya pa talaga sa kanyang kinaroroonan upang handugan siya ng bagong kabayo.

Nabanggit din kasi sa KMJS na matanda na umano si "Rabanos" ang kabayong gamit ni Reymark sa pag-aararo.

Kaya naman ang mga luha niya ay napalitan na ng mga ngiti sa kanyang labi sa sobrang pasasalamat sa mga biyayang kanyang patuloy na tinatamasa.