43-anyos na ina na may 20-anyos na anak, kinainggitan umano ni Kelly Clarkson

Sunday, May 30, 2021 at 5:05 PM by Marisse Gulferica

- Labis na namangha ang international singer na si Kelly Clarkson sa mag-inang nag-viral dahil mukha lamang itong magkapatid

- Sa edad na 43 ng ina, mukha lamang itong tropa ng kanyang anak na 20-anyos

- Pabirong sinabi ni Kelly na siya ay 38 taong gulang ngunit mukhang anak lamang niya ang 43-anyos na viral mommy

- Sinabi rin ng mommy ang ilang sikreto niya kung paano napangalagaan ang sarili

PAY ATTENTION: Click "See First" under the "Following" tab to see KAMI news on your News Feed!

Nagulat at halos hindi makapaniwala ang international singer na si Kelly Clarkson nang maging panauhin niya ang mag-inang sina Melanie at Joleen Diaz.

Nalaman ng KAMI na nag-viral ang mag-ina dahil sa mukha lamang ang mga iton na magkapatid o magtropa.

43-anyos na ang elementary school teacher si Joleen habang ang kanyang anak na nasa kolehiyo na si Melanie ay 20-anyos na.

Read also

Heart Evangelista, dinaan sa TikTok ang mensahe sa kanyang bashers

43-anyos na ina na may 20-anyos na anak, kinainggitan umano ni Kelly Clarkson — Photo: Melanie and Joleen Diaz (@joleendiaz)
Source: Instagram

Subalit kapansin-pansin ang pangangalaga ni Joleen sa sarili kaya naman mukha lamang ito na kasing tanda ng kanyang anak.

Naging panauhin sila ni Kelly sa "The Kelly Clarkson Show" kung saan aminado ang singer na labis nitong kinaiingitan si Joleen.

Katunayan, pabiro pa niyang tinanong dito kung saan nila natagpuan ang "Fountain of Youth" at tila hindi umano ito tumatanda.

"She's 43, I'm 38... She looks like she could be my daughter," pabirong sinabi ng singer.

PAY ATTENTION: Shop with KAMI! The best offers and discounts on the market, product reviews and feedback.

Kwento naman ng anak na si Melanie, tila masuwerte talaga siya sa ina dahil bukod sa mukha lamang silang mag-tropa at talaga namang best friend din ang kanyang turing rito.

May mga bagay raw kasi sila talagang napag-uusapan na hindi madalas napapagkwentuhan ng tipikal na mag-ina.

Ibinahagi naman ni Joleen ang kanyang mga beauty secrets partikular na ang kanyang mga skin care treatments na agad daw bibilhin ni Kelly.