Philippines

Amber Restaurant, tinapatan ang Php15,000 na bilaong ibinibenta online sa Amerika

Saturday, May 29, 2021 at 4:54 PM by Marisse Gulferica

- Kinagiliwan ng mga netizens ang post ng Amber Golden Chain of Restaurants tungkol umano sa kanilang "bilao"

- Tila tinapatan kasi nito ang nag-viral na bilaong ginagawang home decor sa Amerika sa halagang Php15,000

- Sa Amber, Php1,350 lamang daw ang halag ang bilao na may kasamang walong klase ng pansit

- Mayroon nang 10,000 na reactions ang post ng Amber restaurant at 5,800 narin ang shares ng natuang post

Tila tinapatan ng Amber Golden Chain of Restaurants ang nag-viral na bilao ng Pottery Barn kamakilan.

Matatandaang naloka ang mga Pinoy sa presyo ng bilao na Php15,000 at tinawag nilang "Bamboo Wall Art."

Sa social media post ng Amber restaurant, makikita rin ang larawan ng mamahaling bilao habang nasa ibabang larawan naman ang "pancit" bilao nila.

Sa halagang Php1,350, walong klase na ng pancit sa biloo ang nilalaman ng kanilang bilo.

Read also

Puregold, itinama na ang viral poster na bawal ang mga"16-65 anyos" sa store

Kaya naman labis itong ikinatuwa ng mga netizens at sinabing bukod sa mas mura ang sa Amber, mabubusog pa sila sa lamang pansit nito.

Narito ang ilan sa kanilang mga komento:

"Ay panalo itong sa Amber, walong pancit sa halagang 1,350 tapos 'pag naubos, saka gawing wall decor yung bilao"

"Ang kulit ng Amber! oo nga naman sa kanila may kasama pang pancit, mabubusog ka pa, may wall decor ka na rin.

"Haha 'dun na tayo sa may papansit, tutal pag naubos naman yan, isasabit talaga ni mama yung bilao"

"Amber, kulang pa po ng pichi-pichi sana sa gitna ng bilao para mas masaya!"

Maraming Pinoy netizens ang naloka nang makita kung gaano kamahal ang isang bilao na ibinibenta sa 'Pottery Barn' website sa Amerika.