Tagalog

Ginang na nakapila para kumuha ng ayuda, patay matapos mapailalim sa 1 truck

Wednesday, May 12, 2021 at 6:13 PM by Annie Symone

- Nasawi ang isang 54-anyos na ginang matapos itong mapailalim sa isang truck sa Bulacan

- Isa ito sa mga residenteng naghihintay lang ng ayuda sa City Hall ng San Jose Del Monte nang biglang araruhin ng truck

- Naisugod pa ito sa ospital ngunit binawian din ng buhay dahil sa labis na pinsalang tinamo nito

- Ayon sa mga report, inatake sa puso ang 57-anyos na driver habang nagmamaneho at binawian din ng buhay

PAY ATTENTION: Click "See First" under the "Following" tab to see KAMI news on your News Feed

Nasawi ang isang 54-anyos na ginang matapos itong mapailalim sa isang truck sa Bulacan.

Ang biktima na si Analyn Somooc, ay isa sa mga residenteng nakapila para kumuha ng ayuda sa gilid ng City Hall ng San Jose Del Monte nang mag-araro ang truck na pagmamay-ari ng lungsod.

Ayon sa report ng 24 Oras, sa halip na lumiko ay nagdere-deretso ang truck sa lugar kung saan naroon ang mga mamamayang nakapila.

Read also

Ina na nahagip ng truck noong Mother's Day, nabulag ang 1 mata

Ginang na nakapila para kumuha ng ayuda, patay matapos mapailalim sa 1 truck — Photo: Screen grab from Balitang SJDM
Source: UGC

Mabilis na kumalat ang ilang kuha ng video ng aksidente sa social media na kuha ng ilan sa mga naroon.

Naisugod pa sa ospital ang biktima ngunit kinalaunan ay binawian din ng buhay dahil sa labis na pinsalang natamo.

PAY ATTENTION: Shop with KAMI! The best offers and discounts on the market, product reviews and feedback

"May blunt abdominal trauma siya. Though ‘yung abdomen niya was cleared, we did immediately ‘yung mga diagnostic workup. Ang problem talaga namin ‘yung sa chest," ayon kay Erbe Bugay, chief of hospital ng Ospital ng Lungsod ng San Jose Del Monte.

Dagdag pa ni Erbe, nabutas din daw ang baga ng biktima dahil sa fractured ribs.

Ang anak ng biktima, naniniwala namang aksidente ang nangyari bagamat nananawagan ang mga ito ng tulong.

Nangako naman ang LGU ng San Jose Del Monte Bulacan na sasagutin ang lahat ng gastos ng biktima.