8-anyos na nangutang sa tindahan para sa inang may sakit, natulungan ng isang vlogger

Sunday, May 02, 2021 at 12:08 AM by Marisse Gulferica

- Natulungan ng vlogger na si Virgelyncares ang isang walong taong gulang na bata na naabutan niyang nangungutang sa isang tindahan

- Nang kanya itong usisain, nalamang niyang may sakit pala ang ina nitong hindi na makagalaw ng maayos

- Bukod pa rito, may apat pa siyang maliliit na mga kapatid na iniintindi rin niya

- Wala ang kanilang ama na naghahanapbuhay nang mapuntahan sila ng vlogger

PAY ATTENTION: Click "See First" under the "Following" tab to see KAMI news on your News Feed!

Isang walong taong gulang na bata ang natulungan ng vlogger na si Virgelyncares kamakailan.

Nalaman ng KAMI na naabutan niya itong nangungutang ng kape at asukal para may mainom ang inang kumakalam na ang sikmura.

Nang usisain ni Virgelyn ang kalagayan ng batang si "Jenny", nalaman niyang nabinat umano ang ina nito sa panganganak.

8-anyos na nangutang sa tindahan para sa inang may sakit, natulungan ng isang vlogger — Ang batang si Jenny (Photo from Vigelyncares 2.0)
Source: UGC

Nakaratay lamang ito at bagaman at nakatatayo pa, nahihirapan na rin ito.

Read also

Ina, sinurpresa ng anak niyang hindi nakauwi sa loob ng isang taon

Hindi na rin maalagaan ng ina ang bunso niyang anak na naiiwan na lamang sa kanilang banig. Si Jenny rin ang nag-iintindi rito.

Mabuti na lamang din at mabait ang may-ari ng tindahan na nagpapautang sa pamilya ni Jenny.

Kahit alam niyang hindi makakabayad agad ang mga ito, patuloy pa rin niyang tinutulungan.

Katunayan, isinama pa ng mister ng may tindhan ang tatay ni Jenny para magkaroon ito ng trabaho.

PAY ATTENTION: Shop with KAMI! The best offers and discounts on the market, product reviews and feedback.

Samantala, nang tanungin naman ni Virgelyn kung ano ang nais niyang matanggap una nitong sinabi ang kotse para raw sila ay makapasyal.

Subalit nang sabihin ni Virgelyn na hindi niya ito kayang bilhin, limang sakong bigas na lamang ang hiniling ni Jenny.

Tinupad naman ito Virgelyn kaya naman labis na nagpapasalamat ang ina ni Jenny. Dahil kasi sa kabaitan ng kanyang maasikasong anak, napansin sila at natulungan ng vlogger.