Utol ng PWD na kinuyog umano ng mga pulis dahil walang face mask, humingi ng tulong kay Tulfo

Thursday, April 22, 2021 at 8:42 PM by Marisse Gulferica

- Humingi na ng tulong kay Raffy Tulfo ang kapatid ng isang lalaking may sakit sa pag-iisip na kinuyog umano ng mga pulis

- Umiikot daw kasi ito sa lugar nang walang face mask ngunit hindi ito mapilit na magsuot

- Dahil dito, ilang pulis ang pilit itong dinampot at hindi pa alam ang kalagayan ng pag-iisip ng lalaki

- Bagaman at mismong ang barangay chairman na ng lugar ang nagsasabi sa mga awtoridad na may sakit sa pag-iisip ang lalaki, 'di pa rin nila ito pinakawalan

PAY ATTENTION: Click "See First" under the "Following" tab to see KAMI news on your News Feed!

Dumulog na sa programa ni Raffy Tulfo ang kapatid ng lalaki sa viral video kung saan makikitang kinuyog na ito ng mga pulis dahil sa hindi pagsusuot ng face mask.

Nalaman ng KAMI na ang lalaking dinampot ng mga pulis ay mayroon pa lang problema sa pag-iisip.

Read also

Tindera ng merienda na ipinalit ang inilalako sa nakuhang pagkain sa pantry, hinangaan

Sa panayam ni Tulfo kay Seredino Delos Santos, kapatid ng lalaki, pinagsusuot naman nila ng face mask ang kapatid subalit tinatanggal nito dahil hindi raw ito makahinga ng maayos.

Utol ng PWD na kinuyog umano ng mga pulis dahil walang face mask, humingi ng tulong kay Tulfo — Photo: Raffy Tulfo (@raffytulfoinaction)
Source: Instagram

Kaya naman nang makita ito ng mga pulis na pagala-gala at walang face mask, nagpumiglas ito na naging dahilan umano ng pagkuyog sa kanya.

Ayon naman sa barangay chairman ng lugar, sinubukan niyang ipaliwanag sa mga awtoridad na may sakit talaga umano sa pag-iisip ang lalaki.

Humingi raw ang mga ito ng pruweba upang mapatunayan ang kalagayan ng lalaki.

PAY ATTENTION: Shop with KAMI! The best offers and discounts on the market, product reviews and feedback.

Ayon sa kapatid, hindi naman nila ito napagagamot gayung napapakiusapan pa naman ito at nakakausap pa rin kahit na paano ng maayos.

Gayunpaman, hindi pa rin pinakawalan ng mga pulis ang lalaki kaya naman tutulong na si Tulfo na maipatingin sa doktor ang kalagayan nito at makapaglabas ng patunay na isa nga itong person with disability.