PWD na delivery rider, umani ng papuri mula sa mga netizens

Friday, March 26, 2021 at 10:41 PM by Marisse Gulferica

- Hinangaan ng marami ang isang delivery rider ng Food Panda na nagawa pa ring magtrabaho kahit naka-saklay na ito

- Mapapansin sa viral TikTok video na putol ang kaliwang binti ng rider ngunit patuloy pa rin ito sa paghahanapbuhay

- Humanga rin mismo ang uploader ng video at sinabing wala talagang makapipigil sa rider kahit pa mayroon itong kapansanan

- Umabot na sa 76,000 ang mga "nag-heart" reaction sa video na kapupulutan naman talaga ng inspirasyon

Viral ngayon ang TikTok video ni "Miss YoniVerse" tungkol sa isang delivery rider na person with disability.

Nalaman ng KAMI na putol pala ang kaliwang binti ng rider na ito ng Food Panda ngunit hindi ito naging hadlang sa kanyang paghahanapbuhay.

Makikita sa video na may saklay pa ito sa kanyang likuran nang bumaba ito sa motoksiklo para i-abot ang kanyang delivery na mula sa Jollibee.

Read also

Nasal Mask ng isang Mexican scientist, umani ng iba't ibang reaksyon mula sa publiko

Kahanga-hanga ang sipag ng rider na kahit hindi aminin na mahirap ang kanyang kalagayan ay nangingibabaw naman ang kanyang pagsisikap.

"Nothing is impossible. #disabilitywontstophim #kudos #foodpandaph #fyp", ang caption ng TikTok video na mayroon nang 76,000 na positive reactions.

Narito ang ilan sa mga komento ng netizens na talagang na-inspire sa kasipagan at dedikasyon sa trabaho ng delivery rider.

"Nakakabilib ang mga ganitong klaseng tao, ito dapat ang tinutulungan!"

"Kung mag-deliver siya sa amin, triple ang tip na ibibigay ko sa kanya"

"Habang ang iba ang daming kuda at reklamo sa buhay, si kuya, pursigidong magtrabaho!"

Samantala, marami rin naman ang nagpasalamat sa Food Panda sa pagbibigay ng hanapbuhay sa rider sa kabila ng kanyang kapansanan.

"Kudos to Food Panda, hindi sila nagdalawang isip na tanggapin pa rin si kuya kahit PWD"