Tagalog

COVID-19 cases sa Pilipinas, umabot sa halos 8,000 sa loob lang ng isang araw

Saturday, March 20, 2021 at 4:32 PM by Marisse Gulferica

- Umabot sa 7, 999 ang mga naitalang kaso ng COVID-19 sa bansa sa loob lamang ng isang araw

- Ito na ang pinakamataas na bilang na naitala mula pa nang magsimula ang pandemya

- Sa kasalukuyan, mayroon pa ring 80,642 na mga aktibong kaso ng COVID-19 sa bansa

- Nito lamang Sabado, Marso 19, inakalang ang bilang na 7,103 ang pinakamataas na naitalang kaso sa loob ng isang araw

- Mula Marso 12, hindi na bumaba sa 4,000 ang mga naitatalang kumpirmadong kaso ng COVID-19 sa kada araw

PAY ATTENTION: Click "See First" under the "Following" tab to see KAMI news on your News Feed!

Pumalo ng 7,999 ang mga nagpositibo sa COVID-19 sa bansa ngayong araw, Marso 20.

Ito ang pinakamataas na bilang na naitala sa Pilipinas sa loob lamang ng isang araw mula pa noong maideklarara ang pandemya sa buong mundo.

Kahapon, Marso 19, inakalang naitala na ang pinakamataas na bilang na 7,103 sa isang araw mula nang mag-pandemya.

Read also

COVID-19 cases sa bansa, umabot sa lampas 7,000 sa loob lang ng isang araw

COVID-19 cases sa Pilipinas, umabot sa halos 8,000 sa loob lang ng isang araw — COVID-19 test (Photo from Pixabay)
Source: UGC

Ayon sa Department of Health, mayroon na ngayong 656, 056 na kabuuang bilang ng lahat ng tinamaan ng COVID-19 sa Pilipinas.

Sa bilang na 7,999, 97.5% sa mga ito ay mild at asymptomatic cases. 1 % ang severe, at 0.9 % naman ang nasa kritikal na kondisyon.

Sa ngayon, mayroon nang kabuuang bilang na 80,642 na aktibong kaso ng COVID-19 sa bansa.

Samantala, 597 ang mga naitalang naka-recover ngayong araw habang 30 naman ang mga pumanaw.

Noong Marso 13, nakapagtala ng 5,000 na bagong kaso sa loob ng isang araw. Bago pa ito, 4,578 na mga nagpositibo sa COVID-19 noong Marso 12 at mula noon ay hindi na bumababa sa 4,000 ang mga nagitatalang kumpirmadong kaso sa loob ng isang araw.

PAY ATTENTION: Shop with KAMI! The best offers and discounts on the market, product reviews and feedback.

Dahil dito, patuloy pa rin ang paalala ng Kagawaran ng mga safety protocols tulad nang pagsusuot ng face mask at face shield, palagiang paghuhugas ng kamay at disinfection at social distancing.