World

Pinay na senior citizen, biktima ng di malamang pananakit ng ilang grupo sa Amerika

Wednesday, February 17, 2021 at 3:57 PM by Marisse Gulferica

- Isang Pinay na ang edad ay nasa 80-anyos na ang bigla na lamang inatake umano ng isang lalake sa Amerika

- Bigla na lamang pinagsusuntok ang kaawa-awang Pinay sa isang trolley sa San DIego, California

- Hindi ito ang unang beses na may nabiktimang Pilipino o mga Asian sa Amerika na bigla na lamang sinasaktan

- Sinasabing ang isang rason umano nito ay ang COVID-19 na pinaniniwalaang nagmula sa China na bahagi ng Asya

PAY ATTENTION: Click "See First" under the "Following" tab to see KAMI news on your News Feed!

Tila nagiging trend na umano sa iba't ibang bahagi ng Amerika ang umano'y pananakit sa mga Asian na nadadalas nang mangyari kamakailan.

Sa ulat ng ABC 10 News, isang senior citizen na may edad 80-anyos ang bigla na lamang umanong inatake ng di pa nakikilalang lalake.

Nalaman ng KAMI na naganap ito sa trolley ng San Diego, California at bigla na lamang pinagsasapak ang walang kalaban-laban na lola.

Read also

Jericho Rosales, ibinahagi ang video ng asawang si Kim Jones

Pinay na senior citizen, biktima ng di malamang pananakit ng ilang grupo sa Amerika — Photo from Flickr
Source: UGC

Ayon sa mga saksi, mabilis ang pangyayari at hindi rin nila malaman kung bakit ito nagawa ng lalake.

Agad naman nai-report sa pulisya ang pangyayari at nadala rin sa pagamutan ang Pinay kung saan nalapatan siya ng lunas.

Labis naman nang nababahala si Joann Fields, ang Filipino Resource Center Director sa halos sunod-sunod na pag-atake sa mga Pinoy o iba pang mga Asyano na naninirahan sa Amerika.

PAY ATTENTION: Shop with KAMI! The best offers and discounts on the market, product reviews and feedback.

Sinasabing naging palasak lamang ang gawaing ito mula nang magkaroon ng pandemya kung saan pinaniniwalaang nagmula ang COVID-19 sa China na bahagi ng Asya.

"The previous president, calling the coronavirus the Chinese virus and that just amplify it and I believe just hate towards our community," paliwanag ni Fields.

Isa rin sa mga nabiktima ay ang 84-anyos na umano'y Thailand national na naglalakad lamang nang sunggaban ito ng di nakilalang lalaki dahilan para siya ay matumba. Sa tindi ng tama ng kanyang ulo sa pagkakabagsak, nasawi ito.