Labi ng nasawing flight attendant na si Christine Dacera, nasa Camp Crame na

Wednesday, January 06, 2021 at 8:24 PM by Marisse Gulferica

- Nadala na sa Camp Crame ang mga labi ng 23-anyos na flight attendant na si Christine Dacera

- Makikitang agad na inalayan ng misa ang flight attendant na natagpuang wala nang buhay sa bath tub ng isang hotel sa Makati City

- Matapos na mabigyan ng pagkakataong makita ng mga malalapit nitong kaibigan ang labi ni Dacera ay dadalhin na ito sa General Santos City

- Patuloy ang imbestigasyon sa kaso lalo na at hindi pa umano nakukunan ng testimonya ang walo pang itinuturing na suspek sa pagkamatay ni Dacera

Nailagak na pansamantala ang mga labi ng yumaong flight attendant na si Christine Dacera sa Camp Crame.

Nalaman ng KAMI na doon gaganapin ang final viewing kay Dacera ng mga kaibigan nito at mahal sa buhay na nais na makita siya sa huling pagkakataon.

Read also

Geraldine Roman, nanawagan sa netizens ukol sa Christine Dacera case

Matapos gawin ang viewing, dadalhin na sa General Santos City ang mga labi ng flight attendant.

Sa video na ibinahagi ng Super Radyo DZBB 594khz, makikitang inalayan agad ng misa si Dacera. Naroon din ang kanyang ina na si Sharon Dacera.

Enero 1 nang matagpuang walang malay si Christine sa bath tub ng tinuluyan na roon sa City Garden Hotel sa Makati.

Nang makita siya ng mga kasama sa ganoong kalagayan ay agad na dinala ito sa clinic ng hotel subalit hindi pa rin ito nagigising.

Agad siyang isinugod sa Makati Medical Center kung saan siya naideklarang dead on arrival.

Tatlong sinasabing suspek ang agad na naditena sa Makati Police subalit pinalaya rin ngayong araw, Enero 6.